एटीएम न्यूज नेटवर्क : महात्मा फुले कृषी विद्यापीठाने तुरीचा फुले पल्लवी (१२-१९-२) आणि वालाचा फुले श्रावणी (पीडब्लूबी १७-१८) असे हे दोन वाण कडधान्य सुधार प्रकल्पाने विकसित केले आहेत.
महात्मा फुले कृषी विद्यापीठाचे कुलगुरू डॉ. पी. जी. पाटील यांच्या नेतृत्वाखाली आणि माजी संशोधन संचालक डॉ. सुनील गोरंटीवार, संशोधन संचालक डॉ. विठ्ठल शिर्के यांच्या मार्गदर्शनाखाली हे दोन वाण विकसित केले आहेत.
तुरीचा फुले पल्लवी वाणाची वैशिष्ट्ये :
- या वाणाची मध्यम पक्वता कालावधी १५७ ते १५९ दिवस आहे.
- या वाणाची महाराष्ट्र, मध्यप्रदेश, छत्तीसगड आणि गुजरात राज्यात बागायत आणि जिरायत क्षेत्रासाठी लागवडीकरिता शिफारस करण्यात आली आहे.
- या वाणाचे प्रति हेक्टरी २१.४५ क्विंटल सरासरी उत्पादन त्यापासून अपेक्षित आहे.
- हा वाण मर व वांझ या प्रमुख रोगांना मध्यम प्रतिकारक्षम आहे.
- हा वाण शेंगा पोखरणारी आळी आणि शेंगमाशी या किडींना कमी बळी पडतो.
वालाचा फुले श्रावणी वाणाची वैशिष्ट्ये :
- हा वाण बागायती, उत्तम पाण्याचा निचरा होणाऱ्या क्षेत्रासाठी विकसित केलेला आहे.
- हा वाण अधिक उत्पादनक्षम असून हिरव्या शेंगांचे प्रति हेक्टरी १४२.९६ क्विंटल उत्पादन अपेक्षित आहे.
- या वाणाचे वाळलेल्या दाण्यांचे प्रति हेक्टरी उत्पादन १३.८१ क्विंटल मिळते.
- या वाणामध्ये प्रथिनांचे प्रमाण २४.९५ टक्के आहे.
- या वाणावर किडी आणि रोगांचा प्रादुर्भाव आढळून आला नाही
महात्मा फुले कृषी विद्यापीठाच्या कडधान्य प्रकल्पाचे वरिष्ठ शास्रज्ञ डॉ.एन.एस.कुटे, वरिष्ठ संशोधन सहायक डॉ.व्ही.एम.कुलकर्णी, वरिष्ठ संशोधन सहायक वाय. आर. पवार, तूर रोग शास्रज्ञ डॉ.व्ही.ए.चव्हाण, तूर कीटक शास्रज्ञ डॉ. सी. बी. वायळ आणि कृषी सहायक वसंत भोजने यांचे फुले पल्लवी वाण विकसित करण्यात महत्वपूर्ण योगदान आहे.
फुले श्रावणी वालाचा वाण विकसित करण्यामध्ये संशोधन प्रकल्पातील पीक पैदासकार डॉ. एम. टी. भिंगारदे, प्रमुख शाश्रज्ञ डॉ. सुरेश दोडके, सहायक प्राध्यापक डॉ. वाय. जी. बन, कृषी सहायक बी. आर. अडसुरे आणि श्री. एस.एस. वेताळ यांचे योगदान आहे.