नियमित अपडेट
एटीएम न्यूज नेटवर्क ः भारतीय शेतकरी खत सहकारी संस्था अर्थात इफको आणि कोरोमंडल इंटरनॅशनल लिमिटेड (सीआयएल) या तीन वर्षांच्या कालावधीसाठी नॅनो डीएपी तयार करणार आहेत. यासंदर्भातील अधिसूचना 2 मार्च रोजी प्रसिद्ध करण्यात आली होती, अशी माहिती रसायने आणि खते राज्यमंत्री भगवंत खुबा यांनी शुक्रवारी लोकसभेत लेखी उत्तरात दिली. डी अमोनियम फॉस्फेट (डीएपी) हे देशात युरियानंतर दुसऱ्या क्रमांकाचे सर्वाधिक वापरले जाणारे खत आहे.
राज्यमंत्री भगवंत खुबा म्हणाले, की गुजरातमधील कलोल युनिटमध्ये दररोज 500 मिलीच्या 2 लाख बाटल्यांच्या उत्पादन क्षमतेचा नॅनो डीएपी प्लांट उभारत असल्याचे इफकोने कळविले आहे. व्यावसायिक उत्पादन सुरू झाल्यानंतर नॅनो डीएपी देशभरातील बाजारपेठेत उपलब्ध होईल.
भारतीय कृषी संशोधन परिषद (आयसीएआर) च्या निवडक संस्थांमध्ये इफको आणि सीआयएलद्वारे निवडक पिकांवर प्राथमिक चाचण्या घेण्यात आल्या आहेत, असे ते म्हणाले.
अहवालात असे सूचित करण्यात आले आहे, की नॅनो डीएपीचा वापर बियाणे प्रक्रिया आणि पर्णासंबंधी वापर केल्याने परंपरागतपणे लागू केलेल्या ग्रॅन्युलर डीएपीची बचत होण्याची शक्यता आहे, असे ते म्हणाले.
अनुदान कमी करण्यासाठी आणि वनस्पती रसायनांच्या कार्यक्षम वापरास प्रोत्साहन देण्यासाठी नॅनो डीएपी हे नॅनो युरियानंतर दुसरे उत्पादन आहे, ज्याला सरकारकडून मोठ्या प्रमाणात प्रोत्साहन दिले जात आहे.
(स्रोत ः अॅग्रीपेजेस डॉट कॉम)
